എന്റെ മനസ്സിൻ ഏകാന്തതയിൽ

എന്റെ മനസ്സിൻ ഏകാന്തതയിൽ
ഞാനൊരു തടവുകാരൻ
സ്വപ്നങ്ങൾ വില നൽകി നേടിയ സ്വർഗ്ഗത്തിൽ
ദുഃഖിക്കും തടവുകാരൻ (എന്റെ...)

അരികിലുണ്ടമൃത സരോവരമെങ്കിലും
അന്തർദ്ദാഹമല്ലോ എനിക്കെന്നും
അന്തർദ്ദാഹമല്ലോ
ആകാശഗംഗാതീർത്ഥവുമായി
ആഷാഡം വന്നീടിലും
ഒരു വർഷം മുകളിൽ ഒരു സരസ്സരികിൽ
ഒരു തുള്ളിയെനിക്കില്ലല്ലോ (എന്റെ...)

മദം പൊട്ടിയുണരും നിലാവിന്റെ പൂവുകൾ
ഒന്നും ചൂടാറില്ലാ എൻ മേനി
ഒന്നും ചൂടാറില്ല
ആ വർണ്ണ വസന്തം ചാർത്തുന്ന ഗന്ധം
ആറാടി നിന്നതില്ലാ
പല കോടി വിളയും രോമാഞ്ചമുളകൾ
ഒരു മൊട്ടുമെനിക്കില്ലല്ലോ (എന്റെ..)