താളം തെറ്റിയ രാഗങ്ങൾ

താളം തെറ്റിയ രാഗങ്ങൾ
തകർന്ന ജീവിതങ്ങൾ
കാലം രചിച്ച കോലങ്ങൾ
കറുത്ത ചിത്രങ്ങൾ
കറുത്ത ചിത്രങ്ങൾ (താളം തെറ്റിയ...)

അഭിസാരികയായണിഞ്ഞൊരുങ്ങും
നഗരത്തിൻ നടനം(2)
അപസ്വരങ്ങൾ അവതാളങ്ങൾ
അലറും പൊയ്മുഖങ്ങൾ
വേദാന്തജാലങ്ങൾ ഇവിടെ
വേരറ്റു വീഴുന്നു(താളം തെറ്റിയ...)

പകലിൻ തേരുകൾ തകർന്നിടുമ്പോൾ
ഉണരും വാതിലുകൾ (2)
സ്വപ്നങ്ങൾക്കും വാടക വാങ്ങും
മാംസപൂക്കടകൾ
ആദർശസംഹിതയോ കാവൽ
നായ് പോലെ കിടക്കുന്നു(താളം തെറ്റിയ...)