ഭൂഗോളം തിരിയുന്നു

ഭൂഗോളം തിരിയുന്നൂ
ഭൂതവും ഭാവിയും അറിയാതേ
ഭൂഗോളം തിരിയുന്നൂ
തിരിയുന്ന ഗോളത്തില്‍ 
തീരങ്ങള്‍ കാണാതേ
യാത്രക്കാര്‍ അലയുന്നൂ 
ഭൂഗോളം തിരിയുന്നൂ

ഇരുളും വെളിച്ചവും
ഇടകലര്‍ന്നൊഴുകും
ഈഗോള നാടകവേളയില്‍
ഇഴയുന്ന നിഴലുകള്‍ 
നിമിഷത്തില്‍ വളരുന്നു
മറയുന്നു - പിന്നെയും തെളിയുന്നു
യാത്രക്കാര്‍ അലയുന്നൂ
ഭൂഗോളം തിരിയുന്നൂ

അരങ്ങത്തു നിറങ്ങളില്‍ 
വേഷമിട്ടണയുന്നു
അണിയറയില്‍ വേഷം മാറ്റുന്നു
അകലത്തു നില്‍ക്കുമ്പോള്‍ 
കാണുന്നതൊരു രൂപം
അടുക്കുമ്പോളറിയുന്നു തനിരൂപം
യാത്രക്കാര്‍ അലയുന്നൂ
ഭൂഗോളം തിരിയുന്നൂ
ഭൂതവും ഭാവിയും അറിയാതേ
ഭൂഗോളം തിരിയുന്നൂ