കൈകൊട്ടിക്കളി തുടങ്ങീ

കൈകൊട്ടിക്കളിതുടങ്ങീ പെണ്ണിന്‍ നെഞ്ചില്‍
കഥകളി കേളി തുടങ്ങീ
നളചരിതം ഒന്നാം ദിവസമാണോ
കളമൊഴീ ഈക്കഥ സീതാസ്വയംവരമോ

സ്വപ്നത്തിലോമന ദമയന്തിയായോ
മിഥിലാപുരത്തിലെ ജാനകിയായോ
കചദേവയാനിതന്‍ കഥകേള്‍ക്കും നേരം
കണ്മണീ നിന്‍ കവിള്‍ നനയുന്നതെന്തേ

അനുരാഗയമുനയ്ക്കു തടസ്സങ്ങളില്ലാ
അഴകേ നിന്നാശയ്ക്കു വിലങ്ങുകളില്ലാ
കതിര്‍മണ്ഡപത്തിലെ തോരണമൊരുക്കാന്‍
കളിത്തോഴിമാര്‍ ഞങ്ങള്‍ കാത്തിരിക്കുന്നു

കൈകൊട്ടിക്കളിതുടങ്ങീ പെണ്ണിന്‍ നെഞ്ചില്‍
കഥകളി കേളി തുടങ്ങീ
നളചരിതം ഒന്നാം ദിവസമാണോ
കളമൊഴീ ഈക്കഥ സീതാസ്വയംവരമോ