മധുരമീനാക്ഷി അനുഗ്രഹിക്കും

മധുരമീനാക്ഷി അനുഗ്രഹിക്കും
മധുരമീനാക്ഷി അനുഗ്രഹിക്കും
എന്റെ മാനസവീണയിൽ ശ്രുതിയുണരും
നിർമ്മല സ്നേഹത്തിൻ പൂജാവീഥിയിൽ
എന്റെ സങ്കല്പങ്ങൾ തേർതെളിക്കും
മധുരമീനാക്ഷി അനുഗ്രഹിക്കും
എന്റെ മാനസവീണയിൽ ശ്രുതിയുണരും

പൂവിടാൻ ദാഹിച്ചൊരെന്റെ തൈമുല്ലയിൽ
പുലരിയിലിന്നൊരു പൂ വിരിഞ്ഞു
എന്നാത്മദാഹത്തിൻ ബിന്ദുവാണാമലർ
എൻജന്മസാഫല്യ കാന്തിയല്ലോ
മധുരമീനാക്ഷി അനുഗ്രഹിക്കും
എന്റെ മാനസവീണയിൽ ശ്രുതിയുണരും

എത്ര ജന്മങ്ങൾ കഴിഞ്ഞാലുമീ സത്യ-
രക്ത ബന്ധത്തിൻ ചിറകുകളിൽ
നമ്മളിൽ മിന്നുന്ന ധന്യമാം ചൈതന്യം
ഒന്നായി നിൽക്കാൻ കൊതിക്കുന്നു ഞാൻ

മധുരമീനാക്ഷി അനുഗ്രഹിക്കും
എന്റെ മാനസവീണയിൽ ശ്രുതിയുണരും
നിർമ്മല സ്നേഹത്തിൻ പൂജാവീഥിയിൽ
എന്റെ സങ്കല്പങ്ങൾ തേർതെളിക്കും
മധുരമീനാക്ഷി അനുഗ്രഹിക്കും
എന്റെ മാനസവീണയിൽ ശ്രുതിയുണരും