ഉദയകാഹളം ഉയരുകയായി

ആ....
ഉദയ കാഹളം ഉയരുകയായി
ഉദ്യാനവീഥികള്‍ ഉണരുകയായി
പ്രകൃതീദേവിതന്‍ പൊന്നമ്പലത്തില്‍
പ്രഭാത ശ്രീബലി തുടങ്ങുകയായി
പ്രഭാത ശ്രീബലി തുടങ്ങുകയായി

ആ ...ആ ....ആ...
തുഷാര ഗംഗയില്‍ നീരാടി നില്‍പ്പൂ
തുളസികള്‍ പൂക്കും മലയാടിവാരം
മുകളില്‍ അചഞ്ചല സുന്ദരവാനം
കുളി കഴിഞ്ഞീറന്‍ ഉടുക്കും മേഘം
മലരേ മലരേ മനസ്സാം മാതളമലരേ
നീ മാത്രമിനിയും ഉണരാത്തതെന്തേ
ഉണരാത്തതെന്തേ ആ....
(ഉദയ കാഹളം..)

ആ ...ആ ....ആ...
വികാരവതിയായ് ഇളകി വരുന്നു
വീണകള്‍ മീട്ടും പൂന്തേനരുവി
ഏതോ താപസ ഹൃദയം കവരാന്‍
പാടും മറ്റൊരു മേനക പോലെ
വീണേ - വീണേ മോഹമാം
പൊന്മണി വീണേ
നീമാത്രമിനിയും പാടാത്തതെന്തേ
പാടാത്തതെന്തേ ആ....

ഉദയ കാഹളം ഉയരുകയായി
ഉദ്യാനവീഥികള്‍ ഉണരുകയായി
പ്രകൃതീദേവിതന്‍ പൊന്നമ്പലത്തില്‍
പ്രഭാത ശ്രീബലി തുടങ്ങുകയായി
പ്രഭാത ശ്രീബലി തുടങ്ങുകയായി