പ്രിയതമേ നീ പ്രേമാമൃതം

പ്രിയതമേ നീ പ്രേമാമൃതം
ഹൃദയസംഗീത രാഗാമൃതം
മധുമയം നിൻ മധുരാധരം - നീ
മദനമന്ദിരപഞ്ചാമൃതം
(പ്രിയതമേ..)

വിടരും കൗമുദി അടരും നിന്‍ ചിരി
വിമല മനോഹരം നിന്‍ തിരുവായ്മൊഴി
വിധുമുഖീ നിന്‍ കുറുനിരകള്‍ കാറ്റില്‍
കുസൃതിയിലിളകും മന്മഥലിപികൾ
പ്രിയതമേ നീ പ്രേമാമൃതം
ഹൃദയസംഗീത രാഗാമൃതം

കവിയും തേങ്കുടം ഉലയും വാടിയിൽ
കനകരത്നാവലി ചാര്‍ത്തുന്ന മാധവം
പ്രിയസഖീ നിന്‍ മലര്‍ മേനിയുമിന്നൊരു
പ്രമദസുധാവനമാക്കുകയല്ലേ
പ്രിയതമേ നീ പ്രേമാമൃതം
പ്രിയതമേ നീ പ്രേമാമൃതം