കാമുകൻ വന്നാൽ

കാമുകൻ വന്നാൽ കള്ളനു കേൾക്കാൻ
കഥ പറയാമോ കിളിമകളേ (2)
കരളിരിക്കും കിളിമകളേ (കാമുകൻ...)

നാണം കൂട്ടിയ പൊന്നഴിക്കൂട്ടിൽ
നീയെന്തിനിയും മറയുന്നു (2)
അവനായ് കരുതിയ കതിർമണിയിനിയും
ആത്മാവിൽ നീയൊളിക്കുന്നു (കാമുകൻ...)

ദേഹം പാടേ കുളിരും രാവിൽ
ദേവൻ കനിയാൻ വൈകുന്നു (2)
വിരലിൽ കനവിൽ പാടിയ വരികൾ
വീണയ്ക്കായി വിതുമ്പുന്നു  (കാമുകൻ...)

ഒരു വിളി കേട്ടാൽ വിളി കേൾക്കാനായ്
കരളും കവിളും കാക്കുന്നു (2)
ഒരു നിമിഷത്തിൽ ഒരു ജന്മത്തിൻ
ഓർമ്മകൾ തരുമോ കിളിമകളേ  (കാമുകൻ...)