മറക്കാൻ കഴിയുമോ

മറക്കാൻ കഴിയുമോ ... 
മറക്കാൻ കഴിയുമോ - പ്രേമം
മനസ്സിൽ വരയ്ക്കും വർണ്ണചിത്രങ്ങൾ
മായ്ക്കാൻ കഴിയുമോ

നീലാഞ്ജന മിഴി നീയവിടെ
നീറും കരളുമായ് ഞാനിവിടെ 
അന്നു നാമൊന്നായ് ലാളിച്ച സങ്കല്പ-
സംഗീത വീണകളിന്നെവിടെ
തകർന്നുവോ തന്തി തകർന്നുവോ
തളിരിട്ട മോഹങ്ങൾ കരിഞ്ഞുവോ 

മറക്കാൻ കഴിയുമോ - പ്രേമം
മനസ്സിൽ വരയ്ക്കും വർണ്ണചിത്രങ്ങൾ
മായ്ക്കാൻ കഴിയുമോ

ഒരു നോക്കു കാണാനാവുകില്ലേ
ഒന്നുരിയാടാൻ വരികയില്ലേ
ഓമനമലരുകൾ ചൂടും വാർമുടി
ഒന്നു തലോടാൻ കഴിയുകില്ലേ
അകന്നുവോ ദേവി അകന്നുവോ
അനുരാഗദീപങ്ങൾ അകന്നുവോ 

മറക്കാൻ കഴിയുമോ - പ്രേമം
മനസ്സിൽ വരയ്ക്കും വർണ്ണചിത്രങ്ങൾ
മായ്ക്കാൻ കഴിയുമോ