സൂര്യകാന്തിപ്പൂ ചിരിച്ചു

സൂര്യ കാന്തി പൂ ചിരിച്ചു അതിൽ നിന്റെ

സ്വർണ്ണമുഖബിംബം ലയിച്ചു

കാറ്റു കസ്തൂരി വിതച്ചു അതു നിന്റെ

കബരീഭാരത്തെയുലച്ചൂ (സൂര്യ..)

മണൽപ്പരപ്പിൽ നിഴലുകൾ പാകി

മാദക നീരദമാലകളൊഴുകി (2)

ഒരു നിഴലായ് ഞാൻ നിൻ പിൻപേയോടി

അതു കണ്ടു കിളിക്കൂട്ടം കളിയാക്കിപ്പാടി

പാടി (സൂര്യ...)

കടൽ പുണർന്നു തിര മാറിലണഞ്ഞു

കാമുകനാം തീരമാശകളണിഞ്ഞു (2)

ഒരു കടലായ് നീയെൻ മുന്നിലിളകി

അതു കണ്ടു നിറസന്ധ്യ രാഗാർദ്രയായി

രാഗാർദ്രയായി (സൂര്യ..)