ഉഷസ്സോ സന്ധ്യയോ സുന്ദരി

ഉഷസ്സോ സന്ധ്യയോ സുന്ദരി
ഓമനേ നീ ഉണരുമ്പോഴോ
ഉറങ്ങുമ്പോഴോ സുന്ദരി 
ഉഷസ്സോ സന്ധ്യയോ സുന്ദരി

പനിനീർപൂവോ പവിഴാധരമോ
പരിമളമാദ്യം കവർന്നെടുത്തു
അംബരമുകിലോ അമ്പിളിക്കുടമോ
നിൻ കവിളോ ആദ്യം തുടുത്തു
പറയുമോ മനോഹരി ഉം...
(ഉഷസ്സോ സന്ധ്യയോ..)

ചന്ദനമുളയോ ചന്ദ്രികത്തെളിയോ
തെന്നലോ മെയ്യിനു കുളിരേകി
വെണ്ണനെയ്‌ അമൃതോ കണ്ണന്റെ വിരുതോ
നിന്നുടലീവിധം മൃദുവാക്കി
പറയുമോ മനോഹരി ഉം...
(ഉഷസ്സോ സന്ധ്യയോ..)