ഇന്ദ്രനീലാംബരമന്നുമിന്നും

ഇന്ദ്രനീലാംബരമന്നുമിന്നും
നിന്നിലുമെന്നിലും അലയടിച്ചു
അന്നു നിൻ കണ്ണിലെ സ്വപ്നമായീ
ഇന്നെന്നിൽ ഓർമതൻ ഗാനമായീ

ചുംബിച്ചുണർത്തിയ സ്വർണ്ണാധരങ്ങളിൽ
പുഞ്ചിരിയായ് നിന്നൂ പൊൻപരാഗം
ആ പരാഗത്തിൻ പത്മരാഗദ്യുതി
ആറാടിനിൽക്കയാണിന്നുമെന്നിൽ
ആയിരം താരകൾ തോൽക്കും മട്ടിൽ
എൻ ചുണ്ടിലിന്നുമാ ദാഹമൂറും
നിൻ ചുണ്ടിലാപദ്മരാഗമുണ്ടോ   (ഇന്ദ്രനീലാംബരം...)

പാടിയുണർത്തിയ പ്രാണന്റെ വീണയിൽ
പാൽ തിരയായ് തൂവി പ്രേമഗാനം
ആ രാഗവീചിതൻ പൊന്നനുഭൂതികൾ
ആയിരം കവ്യങ്ങൾ തോൽക്കും മട്ടിൽ
എൻ നെഞ്ചിലിന്നുമാ ഭാവമൂറും
നിൻ നെഞ്ചിലിന്നുമാ ഗാനമുണ്ടോ (ഇന്ദ്രനീലാംബരം...)