മമ്മിയുടെ സ്വന്തം അച്ചൂസ്

കരുവാറ്റ ഗ്രാമത്തില്‍ പുതിയതായി ചാര്‍ജെടുത്ത വില്ലേജ് ഓഫീസറാണ് റോയി .ജോലില്‍ ആത്മാര്‍ഥതയും സത്യസന്ധതയും കാത്തു സൂക്ഷിയ്ക്കുന്ന റോയിക്ക് കരുവാറ്റ ഗ്രാമത്തിലെ ജോലി ദുഷ്കരമാകുന്നു. നിലംനികത്തല്‍ പോലെയുള്ള കാര്യങ്ങളില്‍ കര്‍ശന നിലപാടുകള്‍ സ്വീകരിച്ചപ്പോള്‍ അയ്യാള്‍ രാഷ്ട്രീയക്കാരുടെ കണ്ണിലെ കരടായി .റോയിയുടെ ജീവിതത്തില്‍ ചില പ്രശ്നങ്ങള്‍ സൃഷ്ടിക്കാന്‍ അവര്‍ക്ക് കഴിയുന്നു. അങ്ങിനെയിരിക്കെ റോയിയുടെ ജീവിതത്തിലേക്ക് ചില ദുരന്തങ്ങള്‍ കടന്നു വരുന്നു. റോയിയുടെ മകനാണ് അച്ചൂസ്. അച്ചൂസിന്‍റെ ജീവിതത്തില്‍ സംഭവിക്കുന്ന ചില വഴിത്തിരുവുകളാണ് പിന്നീട് ചിത്രം ചര്‍ച്ച ചെയ്യുന്നത്. കളിക്കളങ്ങള്‍ നഷ്ടപ്പെട്ട് , വീടിന്‍റെ ചുവരുകള്‍ക്കുള്ളില്‍ വീഡിയോ ഗെയിമുകള്‍ക്ക് അടിമപ്പെട്ട് ജീവിക്കുന്ന ഇന്നത്തെ തലമുറയുടെ പ്രശ്നങ്ങള്‍ ആണ് " മമ്മിയുടെ സ്വന്തം അച്ചൂസി " ലൂടെ സംവിധായകന്‍ അവതരിപ്പിക്കുന്നത് .