സെൻട്രൽ തീയേറ്റർ
സംവിധായകന്‍ ജയരാജിന്റെ അസിസ്റ്റന്റ്‌ ആയിരുന്ന കിരണ്‍ നാരായണന്‍ സംവിധാനം ചെയ്യുന്ന ചിത്രമാണ്‌ സെൻട്രൽ തീയേറ്റർ. സസ്പന്‍സ് ത്രില്ലര്‍ ഗണത്തില്‍ പെടുന്ന ചിത്രത്തിൽ ഹേമന്ത് മേനോന്‍ കേന്ദ്രകഥാപാത്രത്തെ അവതരിപ്പിക്കുന്നു. നായിക അഞ്ജലി അനീഷ്‌ ഉപാസന. സിദ്ധാർഥ് ശിവ, അരുണ്‍, മാസ്റര്‍ ചേതന്‍, അംബിക മോഹന്‍, ബൈജു വി കെ തുടങ്ങിയവരാണ് മറ്റ് അഭിനേതാക്കൾ.
ചെന്നെയിൽ പൊലീസ് ഓഫീസറാണ് സിദ്ധാര്‍ധ് വിജയ്‌. സ്വന്തം നാടായ തിരുവനന്തപുരത്തേയ്ക്കുള്ള യാത്രയിൽ വിനയ് എന്ന ചെറുപ്പക്കാരനുമായി സിദ്ധാര്‍ധ് പരിചയത്തിലായി. വിനയിയും നാട്ടിലുള്ള ബന്ധുവീട്ടിലേക്കുള്ള യാത്രയിലായിരുന്നു. വിനയ് വീട്ടിലെത്തിയപ്പോൾ കുട്ടികളെ വിനയിനെ ഏൽപ്പിച്ച് ബന്ധുക്കൾ ഒരു കല്യാണത്തിന് പോകുന്നു. സമയം കളയാനായി വിനയ് കുട്ടികളുമായ് ഒരു സിനിമ കാണാനായി പുറപ്പെടുന്നു. സിനിമ ക്ളൈമാക്സിലെത്തുമ്പോഴാണ്‌ എല്ലാവരെയും ഞെട്ടിച്ചുകൊണ്ട് കൂട്ടത്തിൽ ഉണ്ടായിരുന്ന ചെറിയൊരു കുട്ടിയെ കാണാതാകുന്നത്. വിനയ് പോലീസ് ഓഫീസറായ സിദ്ധാര്‍ധിന്റെ സഹായം തേടുന്നു. അതിനിടയിൽ ഞെട്ടിക്കുന്ന പല സംഭവങ്ങളും ഉണ്ടാകുന്നു. തുടർന്നുള്ള സസ്പെൻസ് നിറഞ്ഞ കഥയാണ്‌ സെൻട്രൽ തീയേറ്റർ സിനിമ പറയുന്നത് .
- സംവിധായകന്‍ ജയരാജിന്റെ അസിസ്റ്റന്റ്‌ ആയിരുന്ന കിരണ്‍ നാരായണന്‍ സംവിധാനം ചെയ്യുന്ന ആദ്യ ചിത്രമാണ്‌ സെൻട്രൽ തീയേറ്റർ
- സിദ്ധാർഥ് ശിവ, ഹേമന്ത് മേനോൻ എന്നിവർ വളരെ വെത്യസ്തമായ വേഷങ്ങളിൽ അഭിനയിക്കുന്നുവെന്ന് അണിയറ പ്രവർത്തകർ
- നവംബർ 21 ,2014 ന് ചിത്രം വീണ്ടും പ്രദർശനത്തിനെത്തി
- Read more about സെൻട്രൽ തീയേറ്റർ
- 437 views