എം3ഡിബിയിൽ മലയാളം സിനിമകളുടെ റിവ്യൂ തുടങ്ങിയിട്ട് ഇന്ന് ജൂൺ 17 നു ഒരു വർഷം തികയുന്നു.
കഴിഞ്ഞ വർഷം 2011 ജൂൺ 17 നു എം3ഡിബി ബ്ലോഗ് സ്പോട്ടിലാണ് “രതിനിർവ്വേദം” സിനിമയുടെ റിവ്യൂവുമായി തുടക്കം കുറിച്ചത്. 2011 നവംബർ 28 ലെ സ്വപ്നസഞ്ചാരി എന്ന ചിത്രം വരെ ബ്ലോഗ് റിവ്യൂ തുടർന്നു. പിന്നീട് എം3ഡിബി സൈറ്റിലായിരുന്നു സിനിമാ റിവ്യൂവിന്റെ തുടർച്ച. ഒരു ഡാറ്റാബേസിന്റെ ഭാഗമായല്ല ഇത്രയും നാൾ സിനിമകൾക്ക് ആസ്വാദനം തയ്യാറാക്കി വന്നിരുന്നത്.നാൻസ് സമയം എടുത്ത് ഒരോ സിനിമകളെയും കുറിച്ച് എഴുതുന്ന ആർട്ടിക്കിളുകൾ പ്രത്യേകമായിത്തന്നെ എം3ഡിബിയിൽ ഉൾക്കൊള്ളിക്കുകയായിരുന്നു. ഇനിമുതൽ അതെല്ലാം ഒരോ സിനിമയുമായി ബന്ധപ്പെടുത്തുന്ന തരത്തിലാണ് ദൃശ്യമാവുക.സിനിമയുടെ ഡാറ്റാബേസ് പേജിൽ നിന്ന് ആസ്വാദനങ്ങളിലേക്കെത്താനും ആർക്കും സിനിമാസ്വാദനങ്ങളെഴുതാവുന്നതുമായ IMDB മാതൃക തന്നെയാണ് ഇവിടെ പിന്തുടരുക. അത്തരത്തിൽ ഒന്നിലധികം ആസ്വാദങ്ങൾ വരുന്ന ആദ്യ സിനിമയാകും സ്പിരിറ്റ്. നാൻസിനോടൊപ്പം തന്നെ സാവിത്രി തെക്കുമ്പാട്ടും തയ്യാറാക്കിയിരിക്കുന്ന സിനിമാ ആസ്വാദനക്കുറിപ്പുകൾ കാണുക.
ഇത്രയും കാലം ഈ ആസ്വാദനക്കുറിപ്പുകൾ തയ്യാറാക്കിയ നാൻസിനും അത് വായിച്ച് പ്രോത്സാഹിപ്പിച്ചവർക്കും അഭിപ്രായമറിയിച്ചവർക്കും ഒട്ടേറെ സ്നേഹം..നന്ദി