നീലവർണ്ണക്കൺ പീലികൾ
നനഞ്ഞു പോയോ
കരഞ്ഞുപോയോ
പൂത്തു വന്ന പുഞ്ചിരിപ്പൂ
ഇത്രവേഗം ഇത്രവേഗം
പൊഴിഞ്ഞുപോയോ ( നീലവർണ്ണ)
സ്വപ്നത്തിൻ സ്വർണ്ണനൂലിൽ
നെയ്തു നെയ്തു നെയ്തെടുത്ത
പട്ടുതൂവാലയിതാ
ചുടു കണ്ണുനീർത്തുള്ളിയാൽ
ഒരുനാളും മായാത്ത
അടയാളം കുത്തിയല്ലോ ഞാനതിലൊ-
രടയാളം കുത്തിയല്ലോ (നീലവർണ്ണ)
ഒറ്റയ്ക്കു കാത്തിരിക്കും
കോർത്തു കോർത്തു കോർത്തെടുത്ത
കൊച്ചുപൂമാലയുമായ്
ഒരു വർണ്ണത്തുമ്പിയായ്
ഒരു കുളിർ തെന്നലായ്
ഒരു രാത്രിയെത്തുമല്ലോ - ഞാനരികിൽ
ഒരു രാത്രിയെത്തുമല്ലോ ( നീലവർണ്ണ)
