കണ്ണീരാലൊരു പുഴയുണ്ടാക്കി
കളിവഞ്ചി തുഴയുന്നു - കാലം
കളിവഞ്ചി തുഴയുന്നു
ഉരുകും കരളാൽ വിധിയുടെ കൈകൾ
ഊഞ്ഞാലു കെട്ടുന്നു - ആടാൻ
ഊഞ്ഞാലു കെട്ടുന്നു
(കണ്ണീരാൽ..)
നീയെന്തറിയും കണ്ണിൻമണിയേ
നിശ്ശബ്ദമാമെൻ വേദനകൾ
കതിരിട്ട മോഹം വീണടിയുമ്പോൾ
കരളിൽ നിറയും യാതനകൾ
(കണ്ണീരാൽ..)
ചിറകു മുളയ്ക്കാത്ത പൈങ്കിളിയേ നിൻ
ചിത്തിരപ്പൂമുഖം കാണാതിരുന്നാൽ
അമ്മിഞ്ഞ കിനിയും മാറിടമാകെ
അഗ്നിയിലെരിയും മാനസമാകെ
(കണ്ണീരാൽ..)
