നിലവിളക്കിൻ തിരിനാളമായ്

നിലവിളക്കിൻ തിരിനാളമായ് വിടർന്നൂ
നിറകതിർ ചൊരിയുമെൻ ഹൃദയം (2)
ഈ ദീപാഞ്ജലി സ്വീകരിക്കൂ ദേവീ (2)
സ്നേഹ പുഷ്പാഞ്ജലി സ്വീകരിക്കൂ (നിലവിളക്കിൻ..)

ഒരു മലർ ചോദിച്ചാൽ ഒരു വസന്തം നൽകും
കരുണാ സാഗരമേ
മനം പൊട്ടി വിളിച്ചാൽ മണി വാതിൽ തുറക്കും
മായാ മന്ദിരമേ
ഈ ഗീതാഞ്ജലി സ്വീകരിക്കൂ ദേവീ
ഞങ്ങളെ അനുഗ്രഹിക്കൂ (നിലവിളക്കിൻ..)

ഒരു തുള്ളി യാചിച്ചാൽ ഒരു വർഷം തൂവുന്ന
ദയ തൻ ആഷാഡമേ
മലരിന്റെ ചിരിയായ് മനസ്സിന്റെ മധുവായ്
തുടിക്കും ചൈതന്യമേ
ഈ സ്നേഹാങ്കണം അലങ്കരിക്കൂ ദേവീ
ഞങ്ങളെ അനുഗ്രഹിക്കൂ ( നിലവിളക്കിൻ..)