ആതിരേ തിരുവാതിരേ

ആതിരേ... തിരുവാതിരേ
ആകാശദുര്‍ഗങ്ങള്‍ക്കരികേ
ആ വര്‍ണതീരങ്ങള്‍ക്കരികേ
ആര്‍ക്കുവേണ്ടി വിടര്‍ന്നൂ നീ - വിടര്‍ന്നൂ നീ
ആതിരേ തിരുവാതിരേ...

നിറഞ്ഞ പൌര്‍ണമി പുണര്‍ന്ന ലജ്ജയില്‍
മയങ്ങി വീഴും നിഴലില്‍
ഇലഞ്ഞിപൂമണം നുകര്‍ന്ന ലഹരിയില്‍
തളര്‍ന്നുവീഴും കാറ്റില്‍
ആര്‍ക്കുവേണ്ടി ഒരുങ്ങിനിന്നു - ഞാന്‍
ആര്‍ക്കുവേണ്ടി ഉണര്‍ന്നിരുന്നു ആ....
ആതിരേ തിരുവാതിരേ...

പളുങ്കുമേടയില്‍ സുഗന്ധമേനികള്‍
പുണര്‍ന്നുവീഴും യാമം
തരംഗ ഗംഗകള്‍ തരളചിന്തകള്‍
തുളുമ്പി നീന്തും യാമം
ആര്‍ക്കുവേണ്ടി ഒരുങ്ങിനിന്നു - ഞാന്‍
ആര്‍ക്കുവേണ്ടി ഉണര്‍ന്നിരുന്നു ആ....
ആതിരേ തിരുവാതിരേ...