വെളിച്ചമസ്തമിച്ചു ഞാനൊരു
തളര്‍ന്നനിഴലായ് നിലംപതിച്ചു
നിഴലായ് അവയവ ശൂന്യമാം നിഴലായ്
നിശാന്ധകാരത്തിലലിഞ്ഞു
വെളിച്ചമസ്തമിച്ചു ഞാനൊരു
തളര്‍ന്നനിഴലായ് നിലംപതിച്ചു
നിഴലിന് നാഡീ‍സ്പന്ദനമുണ്ടോ
നിഴലിന് ഹൃദയമുണ്ടോ
ഇല്ലെങ്കില്‍ ഏതു ഞരമ്പില്‍
കൊളുത്തുന്നിതെന്നിലെ ദു:ഖമാം നാളം
ഓര്‍മ്മകൾ എന്നിലെ ദു:ഖമാം നാളം
വെളിച്ചമസ്തമിച്ചു ഞാനൊരു
തളര്‍ന്നനിഴലായ് നിലംപതിച്ചു
മരണത്തിനപ്പുറം ജീവിതമുണ്ടോ
ഒരു പുനര്‍ജ്ജന്മമുണ്ടോ
ഉണ്ടെങ്കില്‍ വീണ്ടുമുദിക്കും വെളിച്ചമേ
കണ്ടാലറിയുമോ നമ്മള്‍ - കാലത്ത്
കണ്ടാലറിയുമോ നമ്മള്‍
വെളിച്ചമസ്തമിച്ചു ഞാനൊരു
തളര്‍ന്നനിഴലായ് നിലംപതിച്ചു
നിഴലായ് അവയവ ശൂന്യമാം നിഴലായ്
നിശാന്ധകാരത്തിലലിഞ്ഞു
വെളിച്ചമസ്തമിച്ചു ..
