മന്മഥപൗർണ്ണമി മംഗല്യം ചാർത്തിയ
മാർകഴി മാസമേ - ഈ
ഹൃദയരഞ്ജിനിയാം വീണയിൽ പകരൂ
മദനകല്യാണി രാഗം
മന്മഥപൗർണ്ണമി മംഗല്യം ചാർത്തിയ
മാർകഴി മാസമേ
പദ്മനാഭപുരത്തിലെ നൃത്തസഭാതലത്തിലെ
കൃഷ്ണശിലാവിഗ്രഹങ്ങൾ
മനസ്സിലെ നവരത്ന വിളക്കിൽ കൊളുത്തീ
മധുരസ്മരണതൻ തിരികൾ - പിന്നെയും
മധുരസ്മരണതൻ തിരികൾ
തിരികൾ തിരികൾ കർപ്പൂ‍രത്തിരികൾ
മന്മഥപൗർണ്ണമി മംഗല്യം ചാർത്തിയ
മാർകഴി മാസമേ
പുത്തനന്തപ്പുരത്തിലെ സ്വപ്നശയ്യാഗൃഹത്തിലെ
പുഷ്പശര സൗകുമാര്യം
പ്രണയതപസ്വിനിയാം എന്നിൽ വിടർത്തീ
പ്രഥമ ചുംബനപൂക്കൾ - പിന്നെയും
പൂക്കൾ പൂക്കൾ കുങ്കുമപ്പൂക്കൾ
മന്മഥപൗർണ്ണമി മംഗല്യം ചാർത്തിയ
മാർകഴി മാസമേ - ഈ
ഹൃദയരഞ്ജിനിയാം വീണയിൽ പകരൂ
മദനകല്യാണി രാഗം
മന്മഥപൗർണ്ണമി മംഗല്യം ചാർത്തിയ
മാർകഴി മാസമേ
