മാതാവേ മാതാവേ
മനുഷ്യപുത്രനെ ഞങ്ങള്‍ക്കു നല്‍കിയ മാതാവേ
നിന്‍ പാദപീഠം തേടിവരുന്നൊരു
നിരപരാധിനി ഞാന്‍
(മാതാവേ..)
ഭൂമിയില്‍ സ്ത്രീകളായ് ജനിച്ചവരെല്ലാം
പാപം ചെയ്തവരാണോ - ഇത്രമേല്‍
പാപം ചെയ്തവരാണോ
അല്ലെങ്കിലെന്തിനീ പാനപാത്രം കയ്പ്പു-
വെള്ളം നിറച്ചു നീ തന്നു - നീ തന്നു
(മാതാവേ..)
സ്വര്‍ഗ്ഗത്തില്‍ ഞങ്ങള്‍ക്കൊരിരിപ്പിടം കിട്ടാന്‍
അഗ്നിപരീക്ഷകള്‍ വേണോ - ഇത്രമേല്‍
അഗ്നിപരീക്ഷകള്‍ വേണോ
അല്ലെങ്കിലെന്നുമീ മുള്‍ക്കിരീടം
എന്തിനെന്റെ ശിരസ്സില്‍ തന്നു - നീ തന്നു
(മാതാവേ..)
