ഓടക്കുഴലും കൊണ്ടോടി വരൂ

ഓടക്കുഴലും കൊണ്ടോടിവരൂ നീ
കോടക്കാർവർണ്ണാ - കണ്ണാ
കോടക്കാർവർണ്ണാ (2)
കിങ്ങിണിയരയിൽ ചാർത്തീടാനൊരു
മഞ്ഞ മുണ്ടു തരാം (2)

പീലികൾ തിരുകിയ മുത്തുക്കിരീടം
കാണാറാകേണം - കണ്ണാ
കാണാറാകേണം (2)
കാനനമുരളീരാഗസുധാരസം
കാതിൽ ചൊരിയേണം (2)

പതിവായ് പദതളിരിതളിലൊഴുക്കാം
പനിനീരാലൊരു യമുന (2)
എന്നാത്മാവിൽ ഒരുക്കാം ഞാനൊരു
വൃന്ദാവനപൂജാ കണ്ണാ വൃന്ദാവനപൂജാ (2)
വളയും തളയും കിലുകിലെ കിലുക്കി
വരുമോ വനമാലീ (2)

ഓടക്കുഴലും കൊണ്ടോടിവരൂ നീ
കോടക്കാർവർണ്ണാ - കണ്ണാ
കോടക്കാർവർണ്ണാ