അമ്മായിയപ്പനു പണമുണ്ടെങ്കിൽ

അമ്മായിയപ്പനു പണമുണ്ടെങ്കില്‍ 
സംബന്ധം പരമാനന്ദം 
അമ്മായിയപ്പന്‍ പെഴയാണെങ്കില്‍ 
സംബന്ധം അസംബന്ധം 
(അമ്മായിയപ്പനു... )

തന്തയ്ക്കും തള്ളയ്ക്കും ഒരു മകളാകണം 
ബന്ധത്തിലാണുങ്ങൾ ഇല്ലാതെയാകണം (2)
ചന്തം തികഞ്ഞൊരു പെണ്ണായിരിക്കണം 
എന്തിന്നും  ഏതിന്നും ഒരുങ്ങിയിരിക്കണം (2)
(അമ്മായിയപ്പനു...) 

അളിയന്മാരുണ്ടെങ്കില്‍ അതു കൊറെ കൊഴപ്പം 
അനിയന്മാരാണെങ്കില്‍ അതിലേറെ കടുപ്പം (2)
സടകന്മാരുണ്ടെങ്കിൽ ഇടയ്ക്കിടെ തര്‍ക്കം 
ആരാനുമില്ലെങ്കില്‍ അതു താന്‍സ്വര്‍ഗ്ഗം (2)
(അമ്മായിയപ്പനു..) 

തന്നതു കഴിക്കണം തിന്നതു ദഹിക്കണം 
ഇന്നതു വേണമെന്നു ചൊല്ലാതിരിക്കണം (2)
പെണ്ണിനെ നോക്കി ഇടയ്ക്കൊന്നു ചിരിക്കണം 
കണ്ണാടി മുറിക്കുള്ളില്‍ മിണ്ടാതിരിക്കണം (2)
(അമ്മായിയപ്പനു...)