പ്രേമകവിതകളേ - പ്രേമകവിതകളേ ഓ..
ഭാവതരംഗങ്ങൾ കുളിർ കോരിയിടും
ദേവഗംഗകളേ - പ്രേമകവിതകളേ
കമലദളങ്ങൾ ഉറങ്ങും രാവിൽ
നിമിഷഹംസങ്ങൾ നീന്തും കടവിൽ
കടവിൽ - നിങ്ങൾ തൻ കടവിൽ
പുഷ്പമംഗല്യ നികുഞ്ജങ്ങൾ തേടും
സ്വപ്നസഞ്ചാരിണി ഞാൻ - ഒരു
സ്വപ്നസഞ്ചാരിണി ഞാൻ
(പ്രേമ..)
ഹൃദയസരസ്സിനു ദാഹിക്കുമ്പോൾ
മൃതസഞ്ജീവനി നൽകുന്നവരേ
നിറയ്ക്കൂ - ചഷകങ്ങൾ നിറയ്ക്കൂ
കാലിലിന്ദ്രധനുസ്സുകൾ ചാർത്തിയ
കാവ്യകുമാരികളേ വരൂ - കാവ്യകുമാരികളേ
(പ്രേമ..)
