പത്താമുദയം പത്താമുദയം
പ്രഭാതചിത്ര രഥത്തിലിരിക്കും
ഭഗവാന്റെ ജന്മദിനം
ഇന്നു പത്താമുദയം (പ്രഭാത..)
തൃത്താപ്പൂവുകൾ കാലത്തു വിടർന്നത്
ത്രിത്താല പൂജയ്ക്കല്ലോ - ദേവനു
ത്രിത്താല പൂജയ്ക്കല്ലോ
മന്ദാകിനികൾ ശ്രുതി മീട്ടുന്നത്
മന്ത്രം ചൊല്ലാനല്ലോ - തിരുനാമമന്ത്രം
ചൊല്ലാനല്ലോ (പ്രഭാത..)
സന്ധ്യാകന്യക പൊൻകുടം നിറച്ചത്
ശതാഭിഷേകത്തിനല്ലോ - ദേവനു
ശതാഭിഷേകത്തിനല്ലോ
എന്നാത്മാവിലിക്കിളിയുണരുന്നത്
മംഗളം പാടാനല്ലോ - തിരുനാൾ
മംഗളം പാടാനല്ലോ (പ്രഭാത..)
