ദൈവമേ കൈതൊഴാം ദൈവമേ
സര്‍വചരാചര ചൈതന്യസാരമേ
സച്ചിദാനന്ദ സ്വരൂപമേ
ദൈവമേ കൈതൊഴാം ദൈവമേ
നക്ഷത്രങ്ങള്‍ക്കിടയില്‍ നിന്നീ
അക്ഷയപാത്രം നീ നല്‍കീ
നന്മനിറഞ്ഞൊരീ ഭൂമിയില്‍ ഞങ്ങള്‍ക്ക്
നിന്മുഖഛായകള്‍ നല്‍കീ
നമസ്കരിപ്പൂ നമസ്കരിപ്പൂ നന്ദിയുള്ളവര്‍ ഞങ്ങള്‍
(ദൈവമേ.. )
കൃസ്തുവും കൃഷ്ണനും നീയല്ലോ
ബുദ്ധനും നബിയും നീയല്ലോ
ഒന്നായ നിന്നെ രണ്ടെന്നു കണ്ടവര്‍
അന്ധന്മാരല്ലോ
(ദൈവമേ.. )
ദു:ഖങ്ങള്‍ക്കു കിടന്നു മയങ്ങാന്‍
സ്വപ്നകുടീരം നീ നല്‍കീ
നിത്യതപസ്സിതു നീന്തിക്കടക്കുവാന്‍
നെഞ്ചിലെ കണ്ണുകള്‍ നല്‍കി
നമസ്കരിപ്പൂ നമസ്കരിപ്പൂ നന്ദിയുള്ളവര്‍ ഞങ്ങള്‍
(ദൈവമേ.. )
