ഉദയഗിരിക്കോട്ടയിലെ ചിത്രലേഖേ
ഉര്‍വശി ചമയുന്നൊരു ചന്ദ്രലേഖേ
ഉഷയെവിടേ സഖി ഉഷയെവിടേ
ഉഷസ്സെവിടേ..
ഉദയഗിരിക്കോട്ടയിലെ ചിത്രലേഖേ ചിത്രലേഖേ
അനിരുദ്ധന്‍ വന്നുവോ അരമനയില്‍ ചെന്നുവോ
അനുരാഗവിവശനായ് നിന്നുവോ
ആരോരുമറിയാതെ മോഹിച്ചു നിന്നുവോ
അസുലഭനിര്‍വൃതിയില്‍ ആലിംഗനങ്ങളാല്‍
ആപാദചൂഡം പൊതിഞ്ഞുവോ - അവള്‍
ആപാദചൂഡം പൊതിഞ്ഞുവോ
ആ.. ആ.. ആ..
ഉദയഗിരിക്കോട്ടയിലെ ചിത്രലേഖേ ചിത്രലേഖേ
കുളിര്‍തെന്നല്‍ കണ്ടുവോ കൊടിമിന്നല്‍ കണ്ടുവോ
ഒളികണ്ണാല്‍ താരകള്‍ കണ്ടുവോ - ആ രംഗം
ഒളികണ്ണാല്‍ താരകള്‍ കണ്ടുവോ
കതിരിടും ലജ്ജയുമായ് കാമസ്വരൂപനെ
കാര്‍കൂന്തല്‍ കൊണ്ടു മറച്ചുവോ - അവള്‍
കാര്‍കൂന്തല്‍ കൊണ്ടു മറച്ചുവോ
ആ.. ആ.. ആ..
