മാരി പൂമാരി

മാരി പൂമാരി
മാല കുളിർമാല
മാറിൽ നിൻ മനസ്സിൽ
നിൻ ചുണ്ടിൽ നിൻ വിരലിൽ
നിൻ കാർകൂന്തലിൽ  (മാരി...)
 
ശൃംഗാരസ്വപ്നത്തിൻ ചൈതന്യ ശില്പമേ
എൻ പ്രേമ വാസന്ത മംഗല്യ പുഷ്പമേ
അണിയിക്കൂ നീയെൻ ജിവന്റെ ജീവനിൽ
സ്വയം കോരിത്തരിക്കുമോ സൗഗന്ധികം (മാരി..)
 
ചിന്താവിയത്തിലെ സിന്ദൂരമേഘമേ
എൻ മോഹ സന്ധ്യ തൻ മായാതരംഗമേ
വിരിയിക്കൂ നീയെൻ മണിവീണാതന്ത്രിയിൽ
സ്വരപുഷ്പമായ് നിന്റെ രാഗാംബരം (മാരി..)