ഒരു പൂ - ഒരു പൂ
ഒരു പൂ - തരുമോ - തരുമോ
ഉദ്യാനപാലകരെ ഹൊയ്‌
ഒരു പൂ തരുമോ
വാര്‍മുടിയില്‍ ചൂടാനല്ല
വര്‍ണ്ണപ്പുടവയിലണിയാനല്ല
അഭിലാഷത്തിന്‍ പൂപ്പാലികയില്‍
അതിഥി പൂജയ്ക്കല്ലോ
(ഒരു പൂ... )
തെങ്ങിളം ചൊട്ടകള്‍ നെറുകയില്‍ കുത്തി
ചിങ്ങനിലാവൊരു നിറപറയൊരുക്കി
സ്വപ്നങ്ങളാം അരയന്നങ്ങള്‍ നീന്തും
സ്വാഗതഗാനതരംഗിണിയൊഴുകി
(ഒരു പൂ... )
സ്വീകരണപ്പന്തലിനുള്ളില്‍
സ്വര്‍ണ്ണവിളക്കിന്‍ തിരിയുടെ മുമ്പില്‍
അതിഥിയിരിക്കും സിംഹാസനമിതില്‍
അലങ്കരിക്കാനല്ലോ
(ഒരു പൂ... )
