ചന്ദനക്കല്ലിലുരച്ചാലേ
സ്വർണ്ണത്തിൻ മാറ്ററിയൂ
കാറ്റിൻ ചോലയിലലിഞ്ഞാലേ
കൈതപ്പൂവിൻ മണമറിയൂ (ചന്ദന..)
കവിതതൻ ചിറകിലുയർന്നാലേ
ഗാനത്തിൻ അഴകറിയൂ
സ്വപ്നമുള്ളിൽ വിടർന്നാലേ
കല്പനയ്ക്ക് പൂമ്പൊടി കിട്ടൂ
ചിരിക്കൂ - സഖി ചിരിക്കൂ
ചിത്രശലഭത്തെ വിളിക്കൂ (ചന്ദന..)
പരിഭവം കൊണ്ട് നിറഞ്ഞാലേ
പ്രണയത്തിൻ സുഖമറിയൂ
ചുണ്ടു ചുണ്ടിൽ വിരിഞ്ഞാലേ
ചുംബനത്തിൻ സുഖമറിയൂ
ചിരിക്കൂ - സഖി ചിരിക്കൂ
ചിത്രശലഭത്തെ വിളിക്കൂ (ചന്ദന..)
