കൈ നോക്കി ഫലം ചൊല്ലാം

കൈ നോക്കി ഫലം ചൊല്ലാം

മുഖം നോക്കി ഫലം ചൊല്ലാം

കൈലാസം കണ്ടു വന്ന മലങ്കുറവൻ ഞാൻ

കാമവൈരി പാദം കണ്ട മലങ്കുറത്തി ഞാൻ (കൈ...)

ഇണപിരിയാ കിളികളെ പോൽ

ഒരു ഞെട്ടിലെ പൂക്കളെ പോൽ

എന്നുമെന്നും വാഴാൻ യോഗമുണ്ടേ എന്നാൽ

മനം കൊതിയ്ക്കും മംഗല്യത്തിനു വിളംബമുണ്ടേ (കൈ..)

സ്വയംവരത്തിൻ സ്വപ്നമെല്ലാം

വരുന്ന ജന്മ പൂവണിയും

രണ്ടു പേരു മയിലേറും കാലം വരും അന്നു

കരം പിടിക്കാൻ ശിവകുമാരൻ വന്നു ചേരും മുന്നിൽ

വന്നു ചേരും (കൈ..)