കുളിരല തുള്ളിതുള്ളിതുള്ളി വരുന്നൂ
നിന്നെ തേടുന്നൂ
തളിരല ചെല്ലം ചെല്ലം ചെല്ലക്കാറ്റിൻ
കൈകളിലാടുന്നു
കാലിൽ വെള്ളിക്കൊലുസുകളോ
മെയ്യിൽ പൊന്നേലസ്സുകളോ
താളത്തിൽ മേളത്തിൽ
മാനം പൊൻ തുടി കൊട്ടുന്നു
പൂമുകിലിൻ ചേലയിതാ ഈ
തേനൊഴുകും ചോലയിതാ
വിളിച്ചാലൊരു ഞൊടിയിൽ ഞാനരികിൽ വരും
എന്നിൽ നീയില്ലേ ചൊല്ലൂ
നിന്നിൽ ഞാനില്ലേ
ഈ അനുരാഗവുമീയനുഭൂതിയും
എന്നുമെനിക്കല്ലേ
രാവുണരും വേളകളിൽ ഈ
നോവകലും വേദികളിൽ
നിനക്കായൊരു മണിയറ ഞാനൊരുക്കാം
എന്നിൽ നീയില്ലേ ചൊല്ലൂ
നിന്നിൽ ഞാനില്ലേ
ഈ അനുരാഗവുമീയനുഭൂതിയും
എന്നുമെനിക്കല്ലേ
