നൃത്തകലാ

നൃത്തകലാദേവിയോ നീയൊരു

മത്തമയൂരമോ മലർക്കൊടിയൊ

മാനസപ്പൊയ്കയിലെ മണിഹംസമോ

നീ മായാമരീചികയോ (നൃത്തകലാ..)

മാനത്തെ മണ്ഡപത്തിൽ പുതുമിന്നൽക്കൊടി പോലെ

മതിമറന്നാരോമലാടി

മാദകലഹരിയിൽ അലിഞ്ഞലിഞ്ഞെൻ മനം

മധുമയഗാനങ്ങൾ പാടീ ..പാടീ  (നൃത്തകലാ..)

ചലിക്കുന്ന താളത്തിൽ ചിരിക്കുന്ന ചിലങ്കകൾ

ച്ഛല ച്ഛല നാദങ്ങളുണർത്തീ

കനകാംഗുലിയുടെ മുദ്രകൾ കൊണ്ടൊരു

കമനീയ സ്വർഗ്ഗം നീയൊരുക്കി ഒരുക്കീ.. (നൃത്തകലാ..)