മഴയൊന്നു മുത്തവേ മണ്ണിന്‍ മനമൊരു
നനവാര്‍ന്ന നാണത്തിന്‍ പൂക്കളമായി (2)
മിഴികൂന്പി നില്‍ക്കുന്ന പൂക്കളോരോന്നിനും
നിറയുന്നതേതു സുഗന്ധം
നിന്‍റെ വാടാത്ത പ്രേമസൗഗന്ധം
(മഴയൊന്നു മുത്തവേ)
ഗതകാലമോര്‍മ്മകള്‍ പൂത്തനിലാവിന്‍റെ
നെറുകെയില്‍ ചുംബിച്ചും സന്ധ്യ നില്‍ക്കേ (2)
വഴിതെറ്റിയെത്തിയ കരിയിലക്കുരുവികള്‍-
ക്കൊരുപാടു കഥകളുണ്ടോമനിക്കാന്‍ (2)
(മഴയൊന്നു മുത്തവേ)
കവിളില്‍ തളിരിട്ട മുന്തിരിത്തോപ്പുകള്‍
മധുരമോഹങ്ങള്‍ ചൊരിഞ്ഞകാലം (2)
സിരകളില്‍ നുരയിട്ട പ്രണയമന്ദാരങ്ങള്‍
ലഹരിയായ് നമ്മില്‍ പടര്‍ന്നതല്ലേ
ലഹരിയായ് നമ്മില്‍ പടര്‍ന്നതല്ലേ
(മഴയൊന്നു മുത്തവേ)