കിനാവിന്റെ താമ്പാളത്തിൽ

കിനാവിന്റെ താമ്പാളത്തിൽ
കിളിവാലൻ വെറ്റിലയേന്തി
ജീവനാഥാ നീ വരുന്നത് 
കാത്തു ഞാൻ നില്പൂ‍ (2)
(കിനാവിന്റെ...)

സങ്കൽപ്പപ്പന്തലൊരുക്കീ
എൻ കരളിൽ വീണ മുറുക്കീ (2)
പ്രേമമോഹന മംഗളപത്രം -
തീർത്തു ഞാൻ നില്പൂ (2)
(കിനാവിന്റെ...)

ഒഴുകുമെൻ കണ്ണുനീരാൽ
മണിവിളക്കണയാറായ്
വാടുമിപ്പോൾ ഞാൻ കൊരുത്തൊരു 
വനമല്ലികമാല
ഇരുളിലെൻ കൈ പിടിക്കാൻ
കവിളിൽ കണ്ണീർ തുടയ്ക്കാൻ( (2)
ജീവിതേശാ നീയല്ലാതാരുണ്ടീ വഴിയിൽ
(കിനാവിന്റെ...)