മയിലാടും മല മാമല പൂമല

മയിലാടും മല മാമല പൂമല
മലയിലിരിക്കണ മണ്ണാത്തി
മണ്ണാത്തിക്കിളി മണ്ണാത്തിക്കിളി
നിന്നോടക്കുഴലെവടെ പോയ് - നിൻ
പൊന്നോടക്കുഴലെവടെപ്പോയ് 
(മയിലാടും. . .)

മകരം വന്നതറിഞ്ഞീലേ
മാവു പൂത്തതറിഞ്ഞീലേ (2)
ആരിയൻ കൊയ്യാനാണും പെണ്ണും
അരിവാൾ തേച്ചതറിഞ്ഞീലേ (2)
(മയിലാടും. . . )

അല്ലിത്താമര തലയും പൊക്കി
അങ്ങനെയിങ്ങനെയൊളിനോട്ടം (2)
ചെല്ലക്കാറ്റിൽ ചോടുകൾ വെയ്ക്കണ -
മുല്ലക്കാടിനു മുടിയാട്ടം (2)

കോട്ടാറൻ കോടിയുടുത്തൊരു
കാട്ടാറിനു സന്തോഷം (2)
കല്ലേം മാലേം ഞാത്തിയിരിക്കണ
കദളിപ്പൂവനു കല്യാണം (2)

മയിലാടും മല മാമല പൂമല
മലയിലിരിക്കണ മണ്ണാത്തി
മണ്ണാത്തിക്കിളി മണ്ണാത്തിക്കിളി
നിന്നോടക്കുഴലെവടെ പോയ് - നിൻ
പൊന്നോടക്കുഴലെവടെപ്പോയ്