പൊട്ടിച്ചിരിക്കരുതേ ചിലങ്കേ

പൊട്ടിച്ചിരിക്കരുതേ ചിലങ്കേ
പൊട്ടിച്ചിരിക്കരുതേ (2)
കെട്ടിപ്പിടിച്ചെന്റെ കൊച്ചുപാദങ്ങളിൽ
പൊട്ടിച്ചിരിക്കരുതേ - ചിലങ്കേ
പൊട്ടിച്ചിരിക്കരുതേ ചിലങ്കേ
പൊട്ടിച്ചിരിക്കരുതേ

ജീവന്റെ ജീവനിൽ നീറുന്ന വേദന (2 - )പാവം
നീയെന്തറിഞ്ഞു - ചിലങ്കേ
പൊട്ടിച്ചിരിക്കരുതേ 

പൊട്ടാത്ത പൊൻകമ്പിക്കൂട്ടിൽ കിടക്കുന്ന
തത്തമ്മപൈങ്കിളി ഞാൻ (2)
പുഷ്പസുരഭില വാസന്തമണ്ഡപ -
നൃത്തം മറന്നുവല്ലോ - ചിലങ്കേ 
പൊട്ടിച്ചിരിക്കരുതേ ചിലങ്കേ 
പൊട്ടിച്ചിരിക്കരുതേ

വർണ്ണശബള വാസന്തമലരുകൾ
ഒന്നിനൊന്നു പൊഴിഞ്ഞു പോയ് (2)
ശിശിര ശീതള ചന്ദ്രികാമല
ചന്ദനപ്പുഴ മാഞ്ഞുപോയ് (2)
അന്ധകാരവിഹാര ഭൂമിയിലാണ്ടു പോയി വേദിക
അന്ത്യനർത്തനമാടിടട്ടെ (2)
വീണിടാറായ് യവനിക
അന്ത്യനർത്തനമാടിടട്ടെ 
വീണിടാറായ് യവനിക
യവനികാ....  യവനികാ