ഉറ്റവളോ നീ പെറ്റവളോ

അമ്മാ.. അമ്മാ..
ഉറ്റവളോ നീ പെറ്റവളോ നീ
ഉറ്റവരെ കൈവിട്ടവളോ നീ
ദുഖമിതെന്തമ്മേ മക്കളുമേതമ്മേ 
(ഉറ്റവളോ... )

ചൊരിയും നിന്‍ ചുടുകണ്ണീരാലേ
തഴുകിയ മണ്ണില്‍ നീ കൈയ്യാലേ
തഴുകിയ മണ്ണില്‍ നീ കൈയ്യാലേ
തേടുവതാരേ തേടുവതാരേ 
(ഉറ്റവളോ... )

പിഞ്ചാകുമ്പോള്‍ നെഞ്ചിലുറക്കം
കണ്ണടയുമ്പോള്‍ മണ്ണിലുറക്കം
പോയവനാരോ പ്രായവുമേതോ

കൂടെ നടന്നൊരു യാത്രക്കാരേ..
മാടിവിളിക്കും വിധി പലവഴിയായ്
മാടിവിളിക്കും വിധി പലവഴിയായ്
തേടുവതാരേ തേടുവതാരേ 

ഉറ്റവളോ നീ പെറ്റവളോ നീ
ഉറ്റവരെ കൈവിട്ടവളോ നീ
ദുഖമിതെന്തമ്മേ മക്കളുമേതമ്മേ