ഇന്നു രാത്രി പൂർണ്ണിമാരാത്രി

ഇന്നു രാത്രി പൂർണ്ണിമരാത്രി
സുന്ദരിയാം ഭൂമികന്യ
സ്വപ്നം കണ്ട രാത്രി
സ്വർഗീയസുന്ദരരാത്രി
ഈ രാത്രി - ഈ രാത്രി
(ഇന്നു രാത്രി...)

വിൺമണിയറയുടെ വെൺമ്മാടപ്പടിമേൽ
ഇന്നലെ വെണ്മതി കാത്തിരുന്നൂ
നീലമേഘത്തിൻ ജാലകയവനിക
നീക്കി വിരഹിണി കാത്തിരുന്നു
ഇന്നു രാത്രി പൂർണ്ണിമരാത്രി

സ്വപ്നസഹസ്രങ്ങൾ നൂപുരം കെട്ടുന്ന
നർത്തനമേള ഇന്നാണല്ലോ
സംഗീതം നിർത്തിയ പാതിരാക്കിളികളേ
നിങ്ങൾക്കുറങ്ങാൻ തിടുക്കമെന്തേ
(ഇന്നു രാത്രി...)