മാസം മാധവമാസം

മാസം മാധവമാസം
ഗാനദാഹം തീർക്കുവാൻ
മന്ദഹസിക്കും മാസം
ആത്മമോഹം തീർക്കുവാൻ
ലയമോടെ ശ്രുതിയോടെ
ദിവ്യരാഗം പകർന്നൊഴുകി
പ്രേമലോകം (മാസം...)

കാലമേ തെല്ലിട നിൽക്കൂ
വാനമേ നീ ചെവിയോർക്കൂ
സംഗീതമാം ഗംഗയിൽ മന്ദമായ്‌
നീന്തുകയായ്‌ ഞങ്ങൾ
രാജഹംശപ്പക്ഷികൾ പോലെ (മാസം...)

മാരുതൻ താളം കൊട്ടി
വല്ലികൾ മുദ്രകൾ കാട്ടീ
സങ്കൽപമാം നന്ദനവാടിയിൽ
വിരിയുകയായ്‌ ഞങ്ങൾ
പാരിജാതപ്പൂവുകളായ്‌ (മാസം...)