രജനീഗന്ധി വിടർന്നു
അനുരാഗ സൗരഭ്യം പടർന്നു
കടമിഴിയിൽ സ്വപ്നം നിരന്നു നിന്റെ
കാൽച്ചിലങ്കകളുണർന്നൂ
(രജനീഗന്ധി..)
നീലക്കാടിൻ രോമാഞ്ചമേ ഞാൻ
നിന്നെ തേടിയലഞ്ഞൂ
ഹൃദയത്തുടിപ്പിൻ താളം കേട്ടെൻ
കാനനക്കുയിലേ നീവന്നൂ
കാനനക്കുയിലേ നീ വന്നൂ (രജനീഗന്ധിവിടർന്നു...)
മലർക്കിനാവുകൾ കണ്ണീരിലടിഞ്ഞു
മനസ്സിൽ കൂരിരുൾ നിറഞ്ഞൂ
നീറിപ്പടരും നൊമ്പരമായ് ഞാൻ
നിന്റെ ആത്മാവിലലിഞ്ഞൂ
നിന്റെ ആത്മാവിലലിഞ്ഞൂ (രജനീഗന്ധിവിടർന്നു...)
