മല്ലീസായകാ നീയെൻ മനസ്സൊരു

ആഹാ ആആആ....
മല്ലീസായകാ....മല്ലീസായകാ
നീയെൻ മനസ്സൊരു മായാമണ്ഡപമാക്കി
പല്ലവവതികൾ ഭാവനാലതകൾ
പാടുന്ന കമ്പികളാക്കി
മല്ലീസായകാ...

സ്വപ്നങ്ങളജന്താശില്പങ്ങൾ കൊത്തുമീ
സ്വർഗ്ഗകമാനത്തിന്നരികിൽ
സ്വർണ്ണമത്സ്യക്കൊടി കെട്ടിയ നിൻ രഥം
വന്നിറങ്ങി - നിന്റെ ചന്ദനക്കൈനഖ ചന്ദ്രക്കലകൾ എന്റെ വിപഞ്ചിക മീട്ടി
ആരാധികയായി ആരാധികയായി

പുഷ്പങ്ങൾ സുരഭീതല്പങ്ങൾ നീർത്തുമീ
പർണ്ണകുടീരത്തിന്നരികിൽ
കല്പവൃക്ഷത്തളിർ മെതിയടിയിട്ടു നീ
വന്നിറങ്ങി - നിന്റെ പൊന്മലരമ്പിന്റെ ചെല്ലച്ചൊടികൾ എന്നിലെയെന്നെയുണർത്തി
ആശ്ലേഷിതയായി ആശ്ലേഷിതയായി

മല്ലീസായകാ നീയെൻ മനസ്സൊരു മായാമണ്ഡപമാക്കി
പല്ലവവതികൾ ഭാവനാലതകൾ
പാടുന്ന കമ്പികളാക്കി
മല്ലീസായകാ...