വരുമോ നീ വരുമോ

വരുമോ നീ വരുമോ നീ
മധുരവസന്തമേ വരുമോ നീ
വിരഹത്തിൽ വാടി വസുന്ധര പാടി
വരുമോ നീ

നിൻ മുഖം കാണാൻ
നവഗന്ധം നുകരാൻ
നിൻ മുഖം കാണാൻ നിൻ
നവഗന്ധം നുകരാൻ
ആ മിഴിത്തഴുകലിൽ ആപാദചൂഡം കോരിത്തരിക്കാൻ
ആറ്റുനോറ്റു കാത്തിരിപ്പൂ
ഭൂമിയാം കന്യക ഈ ഭൂമിയാം കന്യക
(വരുമോ..)

നിൻ കുളിർ ചൂടാൻ
നിറമാലകളണിയാൻ
ആയിരം ജലങ്ങളായ് ആ വർണ്ണജാലം
സിരകളിലേറ്റാൻ ആർദ്രയായി കാത്തിരിപ്പൂ
ഭൂമിയാം കന്യക ഈ ഭൂമിയാം കന്യക

മിഴിനീരിണയിൽ
പൂമഴ പെയ്യുവാൻ വരുകില്ലേ
ഓർമ്മകൾതൻ പൂപ്പാലികകൾ
നീ തരുകില്ലേ
തരുകില്ലേ തരുകില്ലേ
വസന്തമേ വസന്തമേ പറയൂ വസന്തമേ
വസന്തമേ പറയൂ വസന്തമേ