ചന്ദ്രരശ്മി തൻ (വെർഷൻ 2)

ചന്ദ്രരശ്മിതൻ ചന്ദന നദിയിൽ
സുന്ദരിയാമൊരു മാൻപേട
പാടിയാടി നീരാടി പവിഴതിരകളിൽ ചാഞ്ചാടി  
ചന്ദ്രരശ്മിതൻ ചന്ദന നദിയിൽ
സുന്ദരിയാമൊരു മാൻപേട

പള്ളിനീരാട്ടിനു വന്നൊരു മാനിനെ
പട്ടമഹിഷിയായ് വാഴിച്ചു - തിങ്കൾ
പട്ടമഹിഷിയായ് വാഴിച്ചു
അവളുടെ രൂപം മാറിലമർന്നു
ആദ്യത്തെ മധുവിധുരാവുണർന്നു -
രാവുണർന്നു
ചന്ദ്രരശ്മിതൻ ചന്ദന നദിയിൽ
സുന്ദരിയാമൊരു മാൻപേട

എന്നെയൊരൽഭുത സൌന്ദര്യമാക്കിനീ
നിൻ വിരിമാറിൽ ചാർത്തുമ്പോൾ
രാഗരഞ്ജിനിയായ് ഞാൻ മാറുമ്പോൾ
പ്രണയപൌർണ്ണമി പൂത്തുലയുന്നു
പ്രേമാർദ്രമാധവം വിടരുന്നു - വിടരുന്നു

ചന്ദ്രരശ്മിതൻ ചന്ദന നദിയിൽ
സുന്ദരിയാമൊരു മാൻപേട
പാടിയാടി നീരാടി പവിഴതിരകളിൽ ചാഞ്ചാടി  
ചന്ദ്രരശ്മിതൻ ചന്ദന നദിയിൽ
സുന്ദരിയാമൊരു മാൻപേട