മന്ദഹാസ മധുരദളം

മന്ദഹാസ മധുരദളം മലരമ്പായി
കണ്മയിൽപ്പീലിയുഴിഞ്ഞു നീ മായാവിനിയായി
മൗനരാഗ സ്വരപുഷ്പങ്ങൾ മാലകളായി
മന്മഥന്റെ മനോരഥത്തിൽ തോരണമായി (മന്ദഹാസ...)

ചിരിച്ചിലമ്പൊലി കേട്ടു തരിച്ചു പോയി ഞാൻ
ഒളി പായും മിഴിച്ചെപ്പിലൊളിച്ചു പോയി
കവിളിലെ കളഭത്തിൽ വിരൽ തൊട്ടു നെറ്റിയിൽ
തൊടുകുറി ചാർത്തിയെന്നെ കളിയാക്കിയോ (മന്ദഹാസ...)

കുയിൽ പാടിമൊച്ച കേട്ടു മയങ്ങിപ്പോയി ഞാൻ
ഉടൽ വള്ളിപ്പൂക്കൾ കണ്ടു കറങ്ങിപ്പോയി
കരിഞ്ചായൽ മുകിലിന്മേൽ മുഖം ചേർത്തു നീന്തുവാൻ
കമനന്റെ കാമന തിങ്കളായോ (മന്ദഹാസ..)