പച്ചനോട്ടുകൾ തിളങ്ങുന്നു

പച്ചനോട്ടുകള്‍ - പച്ചനോട്ടുകള്‍ - പച്ചനോട്ടുകള്‍
പച്ചനോട്ടുകള്‍ പച്ചനോട്ടുകള്‍
പച്ചനോട്ടുകള്‍ തിളങ്ങുന്നൂ

പച്ചനോട്ടുകള്‍ തിളങ്ങുന്നൂ
പാപവും പുണ്യവും
ആ വര്‍ണ്ണജാലത്തിലൊളിക്കുന്നൂ
വെള്ളിനാണയ ധവളിമയില്‍
ബന്ധങ്ങളെത്രയോ തകരുന്നൂ
പച്ചനോട്ടുകള്‍ പച്ചനോട്ടുകള്‍
പച്ചനോട്ടുകള്‍ തിളങ്ങുന്നൂ

തമ്മിലിണങ്ങിക്കഴിയാനാദ്യം
നമ്മള്‍ നാണയമുണ്ടാക്കി
മണ്ണും സ്വര്‍ണ്ണവും പങ്കുവെച്ചു
വര്‍ണ്ണക്കടലാസാ‍ല്‍ മുഖം മറച്ചു - പിന്നെ കണ്ണീര്‍ക്കടലില്‍ നാം പതിച്ചു
കണ്ണീര്‍ക്കടലില്‍ നാം പതിച്ചു
(പച്ചനോട്ടുകള്‍..)

മനസ്സില്‍ വനിക വളര്‍ത്തും നോട്ടുകള്‍
മന്ത്രം ചൊല്ലും ദേവതകള്‍
സ്വപ്നസുഖങ്ങള്‍ പകര്‍ന്നു തരും
സ്വര്‍ഗ്ഗം ഭൂമിയില്‍ കൊണ്ടുവരും - പിന്നെ
സര്‍പ്പഫണം പോല്‍ തിരിഞ്ഞു കൊത്തും
സര്‍പ്പഫണം പോല്‍ തിരിഞ്ഞു കൊത്തും
പച്ചനോട്ടുകള്‍ - പച്ചനോട്ടുകള്‍ - പച്ചനോട്ടുകള്‍