മനസ്സു പോലെ ജീവിതം

മനസ്സു പോലെ ജീവിതം
മലരു പോലെ നറുമണം
ഹൃദയദീപം പ്രഭ ചൊരിഞ്ഞാൽ
കുടുംബവും ദേവാലയം (മനസ്സു...)

ത്യാഗനയനം തുറന്നിരുന്നാൽ
ഭുവനമൊരു പുണ്യാശ്രമം
സേവനത്തിൽ മുഴുകിടുമ്പോൾ
ജീവിതം സുഖ ശീതളം,
ആകെ ലഭിക്കും അരനാഴികയിൽ
തനിച്ചു നിൽക്കാൻ സമയമെവിടെ (മനസ്സു..)

സ്നേഹലതയിൽ പൂ വിരിഞ്ഞാൽ
ശാന്തിശലഭം പാടിടും
ചിരിച്ചു കൊണ്ടേ കൊഴിയും പൂക്കൾ
എനിക്കു നൽകീ ദർശനം
ആകെ ലഭിക്കും അരനാഴികയിൽ
കരഞ്ഞു തീർക്കാൻ സമയമെവിടെ (മനസ്സു...)