വസന്തരഥത്തിൽ

വസന്തരഥത്തിൽ സുഗന്ധമദത്തിൽ
വന്നൂ മലരണി മണിത്തെന്നൽ
പരിചയം കാട്ടീ പരിമള പൂരം
പകർന്നൂ പുണർന്നു രാവുകളെ
മധുവിധുവിൻ പ്രിയരാവുകളെ
വസന്തരഥത്തിൽ സുഗന്ധമദത്തിൽ

വിളിക്കാതെ വിരുന്നുവന്ന നിറപൗർണ്ണമീ
വിടർത്തിയെൻ സങ്കല്പ നവമാലിക
ഈ മോഹമധുമാരി തോരാത്ത മലർമാരി
ഇനി കോടി പുളകങ്ങൾ കോർത്തു തരും ഓ..
വസന്തരഥത്തിൽ സുഗന്ധമദത്തിൽ

മീട്ടാതെ സ്വരമുണർന്ന മദനവീണ
ഉണർത്തിയെൻ പ്രപഞ്ചത്തിൽ സ്വരസാഗരം
ആ സ്നേഹമൊളി വീശും പ്രാസാദമഞ്ചത്തിൽ
രതിരാഗ വീചികളായ് ഞാനൊഴുകും ഓ...