സൂര്യനെന്നൊരു നക്ഷത്രം

സൂര്യനെന്നൊരു നക്ഷത്രം 
ഭൂമിയെന്നൊരു ഗോളം 
ഗോളത്തിൽ സ്വന്തം നിഴലിനെപ്പോലും 
സ്നേഹിച്ചു വഞ്ചിക്കും മനുഷ്യൻ - പാവം മനുഷ്യൻ 
പാവം മനുഷ്യൻ 

പകലും രാവും മാറിവരാനായ്‌ 
പതിവായ്‌ കറങ്ങുന്നു ഭൂമി 
പലകാലങ്ങൾ മാറിവരാനായ്‌ 
പകലോനെ ചുറ്റുന്നു ഭൂമി 
മാറുന്നു സർവ്വവും എന്നറിഞ്ഞാലും 
മാറാത്തവനേ മനുഷ്യൻ - പാവം മനുഷ്യൻ 
പാവം മനുഷ്യൻ 
(സൂര്യനെന്നൊരു ...) 

അടുക്കാൻ മോഹം അണയ്ക്കാൻ മോഹം 
അടുത്താലകലാൻ ദാഹം 
ഋതുഭേദങ്ങൾ ഹൃദയച്ചുമരിൽ 
എഴുതുന്നു മായ്ക്കുന്നു കഥകൾ 
തേടുന്ന കനകം മായമായാലും 
തേടുന്നവനേ മനുഷ്യൻ - പാവം മനുഷ്യൻ 
പാവം മനുഷ്യൻ 
(സൂര്യനെന്നൊരു ...)